ਪ੍ਰਤੀ ਦਿਨ ਹਜ਼ਾਰਾਂ ਵਿਅਕਤੀ ਸਾਈਬਰ ਅਪਰਾਧਾਂ ਦੀ ਗਿ੍ਫ਼ਤ 'ਚ ਆਉਂਦੇ ਹਨ | ਆਮ ਤੌਰ 'ਤੇ ਭੋਲ਼ੇ-ਭਾਲ਼ੇ, ਲਾਲਚੀ, ਗੈਰ-ਹੁਨਰਮੰਦ ਅਤੇ ਬਦਕਿਸਮਤ ਵਿਅਕਤੀ ਅਜਿਹੇ ਅਪਰਾਧਾਂ ਦਾ ਸ਼ਿਕਾਰ ਬਣਦੇ ਹਨ | ਕਈ ਲਾਲਚੀ ਵਿਅਕਤੀ ਲਾਟਰੀ ਨਿਕਲਣ ਦੇ ਈ-ਮੇਲ ਸੰਦੇਸ਼ਾਂ ਦੇ ਚੱਕਰਵਿਊ ਵਿਚ ਪੈ ਕੇ ਹਜ਼ਾਰਾਂ ਰੁਪਈਆਂ ਦਾ ਨੁਕਸਾਨ ਕਰਵਾ ਚੁੱਕੇ ਹਨ | ਕਈ ਤਕਨੀਕੀ ਜਾਣਕਾਰੀ ਨਾ ਹੋਣ ਦੀ ਵਜ੍ਹਾ ਕਾਰਨ ਆਪਣੀ ਖ਼ੁਫ਼ੀਆ ਜਾਣਕਾਰੀ 'ਤੇ ਡਾਕਾ ਮਰਵਾ ਬਹਿੰਦੇ ਹਨ |
ਸਾਈਬਰ ਅਪਰਾਧਾਂ ਕਾਰਨ ਗੰਭੀਰ ਨਤੀਜੇ ਸਾਹਮਣੇ ਆਏ ਹਨ | ਵਰਤੋਂਕਾਰਾਂ ਨੂੰ ਅੰਕੜਾ ਤਬਾਹੀ, ਵਿੱਤੀ ਠੱਗੀ, ਨਿੱੱਜਤਾ 'ਤੇ ਡਾਕਾ ਅਤੇ ਮਾਨਸਿਕ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਈ-ਫਰੈਂਡਸ਼ਿਪ ਦੇ ਰਾਸ ਨਾ ਆਉਣ ਅਤੇ ਮੋਟੀ ਸਾਈਬਰ ਠੱਗੀ ਦਾ ਸ਼ਿਕਾਰ ਹੋਏ ਸੈਂਕੜੇ ਲੋਕ ਆਪਣੀ ਜੀਵਨ ਲੀਲ੍ਹਾ ਸਮਾਪਤ ਕਰ ਚੁੱਕੇ ਹਨ | ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸੁਚੱਜੀ ਅਤੇ ਸੁਰੱਖਿਅਤ ਵਰਤੋਂ ਲਈ ਕਈ ਉਪਾਅ ਕੀਤੇ ਜਾ ਸਕਦੇ ਹਨ |
ਕੰਪਿਊਟਰ ਵਾਇਰਸ :
ਕੰਪਿਊਟਰ ਵਾਇਰਸ ਇਕ ਤਰ੍ਹਾਂ ਦਾ ਵਿਸ਼ਾਣੂ ਹੈ, ਜੋ ਕੰਪਿਊਟਰ ਵਿਚ ਦਾਖਲ ਹੋਣ ਉਪਰੰਤ ਨੁਕਸਾਨ ਕਰ ਸਕਦਾ ਹੈ | ਇਸ (ਜੈਵਿਕ) ਵਿਸ਼ਾਣੂ ਦੀ ਪੈਦਾਇਸ਼ ਦਾ ਮੁੱਖ ਸੋਮਾ ਕੰਪਿਊਟਰੀ ਪ੍ਰੋਗਰਾਮ ਹਨ | ਕੰਪਿਊਟਰਾਂ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਕੰਪਿਊਟਰੀ ਪ੍ਰੋਗਰਾਮ ਜਾਂ ਸਾਫ਼ਟਵੇਅਰ ਤਿਆਰ ਕੀਤੇ ਜਾਂਦੇ ਹਨ, ਜਿਨ੍ਹਾਂ ਨੂੰ ਕੰਪਿਊਟਰ ਵਾਇਰਸ ਕਿਹਾ ਜਾਂਦਾ ਹੈ | ਇਹ ਵਾਇਰਸ ਕੰਪਿਊਟਰ ਵਿਚ ਪਹੁੰਚ ਕੇ ਆਪਣੇ-ਆਪ ਵਧਦੇ ਰਹਿੰਦੇ ਹਨ | ਇਹ ਕੰਪਿਊਟਰੀ ਸਾਫ਼ਟਵੇਅਰ ਦੇ ਨਾਲ-ਨਾਲ ਹਾਰਡਵੇਅਰ 'ਤੇ ਮਾੜਾ ਅਸਰ ਕਰ ਸਕਦੇ ਹਨ |
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon