ਪੰਜਾਬੀ ਦੇ ਤਕਨੀਕੀ ਵਿਕਾਸ ਦੇ ਅੰਬਰ ਦਾ ਧਰੂ ਤਾਰਾ : ਅੱਖਰ ਸਾਫਟਵੇਅਰ/akhar-cpkamboj ~ ਕੰਪਿਊਟਰ ਬਾਰੇ ਜਾਣਕਾਰੀ ਦੇਣ ਵਾਲਾ ਬਲੌਗ

ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 28-07-2016

ਇੰਡੀਕ ਵਰਡ ਪ੍ਰੋਸੈੱਸਰ 'ਅੱਖਰ-2016' ਭਾਰਤੀ ਭਾਸ਼ਾਵਾਂ ਲਈ ਇਕ ਵਰਦਾਨ ਸਾਬਤ ਹੋਵੇਗਾ ਹੈ | ਇਸ ਨੂੰ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਪੰਜਾਬੀ ਭਾਸ਼ਾ ਤਕਨਾਲੋਜੀ ਦੇ ਖੋਜ ਕੇਂਦਰ ਦੇ ਡਾਇਰੈਕਟਰ ਤੇ ਉੱਘੇ ਕੰਪਿਊਟਰ ਵਿਗਿਆਨੀ ਡਾ: ਗੁਰਪ੍ਰੀਤ ਸਿੰਘ ਲਹਿਲ ਦੀ ਅਗਵਾਈ ਹੇਠ ਤਿਆਰ ਕੀਤਾ ਗਿਆ ਹੈ | ਇਹ ਸਾਫ਼ਟਵੇਅਰ ਯੂਨੀਕੋਡ ਪ੍ਰਣਾਲੀ ਵਿਚ ਕੰਮ ਕਰਨ ਦੇ ਸਮਰੱਥ ਹੈ | ਪੰਜਾਬੀ, ਸ਼ਾਹਮੁਖੀ (ਪੰਜਾਬੀ), ਹਿੰਦੀ, ਅੰਗਰੇਜ਼ੀ, ਉਰਦੂ ਅਤੇ ਸੰਸਕਿ੍ਤ ਭਾਸ਼ਾਵਾਂ ਵਿਚ ਕੰਮ ਕਰਨ ਲਈ ਇਸ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ | ਇਸ ਸਾਫ਼ਟਵੇਅਰ ਦਾ ਰਸਮੀ ਲੋਕ ਅਰਪਣ 9 ਸਤੰਬਰ ਨੂੰ ਕੀਤਾ ਜਾ ਰਿਹਾ ਹੈ | ਅੱਖਰ ਵਿਚ ਵੱਖ-ਵੱਖ ਭਾਸ਼ਾਵਾਂ ਦੀਆਂ ਲਿੱਪੀਆਂ ਅਤੇ ਉਨ੍ਹਾਂ ਦੇ ਕੀ-ਬੋਰਡ ਲੇਆਊਟ ਚੁਣਨ ਦੀ ਸੁਵਿਧਾ ਹੈ | ਮਿਸਾਲ ਵਜੋਂ ਤੁਸੀਂ ਗੁਰਮੁਖੀ, ਸ਼ਾਹਮੁਖੀ ਅਤੇ ਦੇਵਨਾਗਰੀ ਲਿੱਪੀ ਵਿਚ ਲਿਖਣ ਲਈ ਆਪਣੀ ਪਸੰਦ ਦਾ ਕੀ-ਬੋਰਡ ਲੇਆਊਟ ਵਰਤ ਸਕਦੇ ਹੋ | ਅੱਖਰ-2016 ਵਿਚ ਰੋਮਨ ਵਿਧੀ ਰਾਹੀਂ ਟਾਈਪ ਕਰਨ ਦੀ ਸ਼ਕਤੀਸ਼ਾਲੀ ਸੁਵਿਧਾ ਹੈ | ਇਸ ਵਿਚ ਰਵਾਇਤੀ/ਗੈਰ-ਮਿਆਰੀ ਫੌਾਟਾਂ ਨੂੰ ਯੂਨੀਕੋਡ ਵਿਚ ਕਨਵਰਟ ਕਰਨ ਦੀ ਦਮਦਾਰ ਸੁਵਿਧਾ ਹੈ | ਅੱਖਰ ਵਿਚ ਸ਼ਕਤੀਸ਼ਾਲੀ ਸਪੈੱਲ ਚੈੱਕਰ ਹੈ, ਜੋ ਗ਼ਲਤ ਅੱਖਰ-ਜੋੜ ਵਾਲੇ ਸ਼ਬਦਾਂ ਨੂੰ ਇਕ-ਇਕ ਕਰਕੇ ਲੱਭਦਾ ਹੈ ਤੇ ਉਨ੍ਹਾਂ ਨੂੰ ਠੀਕ ਕਰਨ ਲਈ ਸਹੀ ਸ਼ਬਦਾਂ ਨੂੰ ਸੁਝਾਅ ਵਜੋਂ ਪੇਸ਼ ਕਰਦਾ ਹੈ | ਅੱਖਰ ਰਾਹੀਂ ਲਿੱਪੀ ਦੇ ਨਾਂਅ 'ਤੇ ਉਸਰੀਆਂ ਕੰਧਾਂ ਨੂੰ ਢਹਿ-ਢੇਰੀ ਕਰਨ ਲਈ ਗੁਰਮੁਖੀ-ਸ਼ਾਹਮੁਖੀ, ਉਰਦੂ-ਪੰਜਾਬੀ ਸਮੇਤ 11 ਲਿੱਪੀ ਜੋੜਿਆਂ ਨੂੰ ਆਪਸ ਵਿਚ ਬਦਲਣ ਦੀ ਸੁਵਿਧਾ ਹੈ | ਇਸ ਵਿਚ ਗਰੈਮਰ ਚੈੱਕਰ ਅਤੇ ਭਾਸ਼ਾ ਅਨੁਵਾਦ ਦੀ ਸੁਵਿਧਾ ਵੀ ਹੈ | ਓ.ਸੀ.ਆਰ. ਅੱਖਰ ਦਾ ਇਕ ਤਾਕਤਵਰ ਟੂਲ ਹੈ, ਜੋ ਫ਼ੋਟੋ ਰੂਪ ਵਾਲੇ ਮੈਟਰ ਨੂੰ ਟਾਈਪ ਰੂਪ ਵਿਚ ਬਦਲਣ ਦਾ ਕੰਮ ਕਰਦਾ ਹੈ | ਇਸ ਵਿਚ ਅੰਗਰੇਜ਼ੀ ਤੋਂ ਪੰਜਾਬੀ ਅਤੇ ਪੰਜਾਬੀ ਤੋਂ ਅੰਗਰੇਜ਼ੀ ਕੋਸ਼ ਦੀ ਸੁਵਿਧਾ ਦਰਜ ਹੈ | ਸ਼ਬਦ ਉੱਤੇ ਡਬਲ ਕਲਿੱਕ ਰਾਹੀਂ ਵੀ ਗੁਰਮੁਖੀ, ਸ਼ਾਹਮੁਖੀ ਅਤੇ ਅੰਗਰੇਜ਼ੀ ਦੇ ਸ਼ਬਦਾਂ ਦੇ ਅਰਥ ਵੇਖੇ ਜਾ ਸਕਦੇ ਹਨ | ਅੱਖਰ ਦਾ ਇਕ ਵਿਸ਼ੇਸ਼ ਟੂਲ ਲਿਖੇ ਹੋਏ ਅੰਗਰੇਜ਼ੀ ਦੇ ਪਾਠ ਨੂੰ ਬੋਲ ਕੇ ਸੁਣਾਉਣ ਦੀ ਸਮਰੱਥਾ ਰੱਖਦਾ ਹੈ | ਪੰਜਾਬੀ ਭਾਸ਼ਾ ਦੇ ਕੰਪਿਊਟਰੀਕਰਨ ਦੇ ਬਾਬਾ ਬੋਹੜ ਡਾ: ਲਹਿਲ ਅਨੁਸਾਰ ਇਸ ਸਾਫਟਵੇਅਰ ਦਾ ਵਿਕਾਸ ਸ੍ਰੀ ਅੰਕੁਰ ਰਾਣਾ, ਡਾ: ਤੇਜਿੰਦਰ ਸਿੰਘ ਸਮੇਤ 20 ਖੋਜਕਾਰਾਂ ਦੀ ਟੀਮ ਦੀ ਕਈ ਵਰਿ੍ਹਆਂ ਦੀ ਅਣਥੱਕ ਮਿਹਨਤ ਦਾ ਸਿੱਟਾ ਹੈ | ਉਨ੍ਹਾਂ ਕਿਹਾ ਕਿ ਇਹ ਸਾਫਟਵੇਅਰ ਸਰਕਾਰੀ ਦਫ਼ਤਰਾਂ ਵਿਚ ਪੰਜਾਬੀ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਉਤਸ਼ਾਹਿਤ ਕਰੇਗਾ ਤੇ ਇਸ ਨਾਲ ਪੇਸ਼ੇਵਾਰ ਭਾਸ਼ਾ ਅਨੁਵਾਦਕਾਂ, ਕਲੈਰੀਕਲ ਸਟਾਫ਼, ਡਾਟਾ ਐਾਟਰੀ ਓਪਰੇਟਰਾਂ, ਅਧਿਆਪਕਾਂ, ਖੋਜਾਰਥੀਆਂ, ਵਿਦਿਆਰਥੀਆਂ, ਭਾਸ਼ਾ ਵਿਗਿਆਨੀਆਂ ਤੇ ਭਾਸ਼ਾ ਸਿਖਾਂਦਰੂਆਂ ਨੂੰ ਲਾਭ ਹੋਵੇਗਾ |

* 9 ਸਤੰਬਰ ਨੂੰ ਕੀਤਾ ਜਾਵੇਗਾ ਲੋਕ-ਅਰਪਣ

* ਪੰਜਾਬੀ, ਸ਼ਾਹਮੁਖੀ, ਹਿੰਦੀ, ਅੰਗਰੇਜ਼ੀ, ਉਰਦੂ ਅਤੇ ਸੰਸਕ੍ਰਿਤ ਭਾਸ਼ਾਵਾਂ ਵਿਚ ਕੰਮ ਕਰਨ ਦੇ ਸਮਰੱਥ

* ਪੰਜਾਬੀ ਵਿਚ ਟਾਈਪ ਕਰਨ ਲਈ ਇਕ ਦਰਜਨ ਕੀ-ਬੋਰਡ ਖਾਕੇ ਉਪਲਬਧ

* ਪੰਜਾਬੀ ਵਿਚ ਰੋਮਨਾਇਜ਼ਡ ਟਾਈਪਿੰਗ ਦੀ ਦਮਦਾਰ ਸੁਵਿਧਾ

* ਅੱਖਰ ਦੇ ਸੂਝਵਾਨ ਤੇ ਸ਼ਕਤੀਸ਼ਾਲੀ ਫੌਂਟ ਕਨਵਰਟਰ ਰਾਹੀਂ ਅਗਿਆਤ ਫੌਂਟਾਂ ਵਾਲੀ ਫਾਈਲ ਨੂੰ ਪਲਟਾਉਣ ਦੀ ਵਿਸ਼ੇਸ਼ਤਾ

* ਸਪੈੱਲ ਅਤੇ ਗਰੈਮਰ ਚੈੱਕਰ ਦੀ ਸਹੂਲਤ

* ਗੁਰਮੁਖੀ-ਸ਼ਾਹਮੁਖੀ, ਉਰਦੂ-ਪੰਜਾਬੀ ਸਮੇਤ 11 ਲਿਪੀ ਜੋੜਿਆਂ ਨੂੰ ਆਪਸ ਵਿਚ ਬਦਲਣ ਦੀ ਸੁਵਿਧਾ

* ਓਪਰੀਆਂ ਭਾਸ਼ਾਵਾਂ ਨੂੰ ਆਪਣੀ ਜ਼ੁਬਾਨ ਵਿਚ ਬਦਲ ਕੇ ਪੜ੍ਹਨ ਦੀ ਸਹੂਲਤ

* ਫ਼ੋਟੋ ਰੂਪ ਵਾਲੇ ਮੈਟਰ ਨੂੰ ਟਾਈਪ ਰੂਪ ਵਿਚ ਬਦਲਣ ਲਈ ਆਲਾ ਦਰਜੇ ਦਾ ਓ.ਸੀ.ਆਰ.

* ਖੁੱਲ੍ਹੀ ਹੋਈ ਫਾਈਲ ਦੇ ਸ਼ਬਦਾਂ 'ਤੇ ਡਬਲ ਕਲਿੱਕ ਰਾਹੀਂ ਅਰਥ ਜਾਂ ਵਿਆਕਰਨ ਬਾਰੇ ਜਾਣਕਾਰੀ ਹਾਸਲ ਕਰਨ ਦੀ ਸਹੂਲਤ

* 'ਅੱਖਰ' ਦੇਵੇਗਾ ਸਰਕਾਰੀ ਦਫ਼ਤਰਾਂ ਵਿਚ ਪੰਜਾਬੀ ਦੀ ਵਰਤੋਂ ਨੂੰ ਹੁਲਾਰਾ।

ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 28-07-2016

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.